علق الرئيس عبدالفتاح السيسي، على كلمة وزير الزراعة الدكتور عبدالمنعم البنا، خلال افتتاح عدد من المشروعات التنموية بمحافظة قنا، قائلا: “اللى بيسمعك دلوقتى كل المصريين، لما اجى على القمح اقول يا مصريين احنا بنطلع من 7 الى 8 مليون طن، وبنستورد كمان 10 مليون طن، بإجمالى 18 مليون طن بنستهلكهم على مدار السنة، علشان الناس تبقى عارفة تعرف الحجم”.
وأضاف الرئيس السيسي، “احنا بنعمل اللقاءات دى مش بس علشان اعرف ولكن الهدف ان احنا نقول للمصريين احنا فين، لما اقوله النهاردة بستورد 10 مليون طن ورغيف العيش بيتكلف كذا بإجمالى 300 – 400 مليون رغيف يعرف اذا كانت الحكومة بتاعت بلده واقفه جنب شعبها ولا لأ، وحريصة عليه ولا لأ، والهدف من هذا اللقاء هو بناء وعى حقيقى بحجم تحدياتنا وعاوز المواطن وهو قاعد فى بيته يعرف الحكاية ماشية ازاى وقلبه معايا زى ما أنا قلبى عليه”.
ومن المقرر أن يتفقد الرئيس أعمال محور جرجا الممتد بطول 10 كم ويربط طريقى القاهرة – أسوان الزراعى الشرقى والغربى، ويفتتح كوبرى طهطا بسوهاج وكوبرى الكباش 2 بالأقصر، ومشروعات استصلاح 43 ألف فدان بصحراء منطقة المراشدة، بالإضافة إلى افتتاح كوبرى نجع حمادى أعلى خط السكك الحديدية، ويتفقد صوامع وهناجر تخزين القمح بالمحافظة.
